WEBINAR VIDEO – Anatomy of the German Shepherd Dog

With Albert Spreu, president RSV2000 Germany

Recorded 2025-01-31 (English)

#rsvglobal #rsv2000 #schutzhund

SJÅ iallefall om Schäfer, så ser de  kor feil utviklinga er.  Sjå frå 8.20

LINK

Vi treng at vanlege hundeeigarar DNA-testar hundane sine, når raseklubb og  oppdrettarar er imot.

«Innavlskoeffisient (COI)Coefficient of Inbreeding hos hunder er et numerisk mål som kvantifiserer sannsynligheten for at to kopier av det samme genet skal arves fra en felles stamfar. I enklere termer gjenspeiler det hvor nært beslektet foreldrene til en hund er innenfor deres familietre. En høyere COI indikerer en høyere sannsynlighet for at hunden arver identiske gener fra begge foreldrene, noe som kan føre til økt risiko for å hunden viderefører genetiske lidelser eller helseproblemer.» Kjelde: https://www.combibreed.no/blog/faq-items/hva-er-en-innavlskoeffisient-coi/

---------------

(NB: Eg har valt å bruke ordet innavlsgrad og innavlsgradsauke - sidan det kanskje er lettare å forstå for dei som ikkje kan dette.

De som kan genetikk-biten, får tenke innavlskoeffisient-COI når de les ordet "innavlsgrad" i teksten ... håpar at det er ok?)

---------------

Innavlsgrad og innavlsgradsauke.

I stamtavla til hundar i Dogweb i NKK, står det innavlsgrad og prosent.  Mange trur det er innavlsgraden på hunden, men det er det IKKJE.  Det er innavlsgradsAUKEN i avlen frå mor og far.  (Korrigering 1.juli 25:  NKK har no forandra dette, slik at det står "Innavlskoeffisient (5 gen.)", men dessverre er det mange som framleis trur det er innavlsgraden.)

Innavlsgraden på schäfer er 23-48% som eg kjenner til. INGEN reinrasa schäferhund har under 23%. 

I workingdog kan vi få oversyn over innavlsgradsauke (IC) på hundar opptil 11 generasjonar.  Denne informasjonen krev betalt Premium-medlemsskap.  Det er forbudt å dele bilete frå desse sidene.  Men eg kan forklare utifrå mine hundar, og eigen avl, så forstår du kanskje.

Mine hundar er søkbare i Dogweb, på workingdog og er Embarktesta.

Citagardens Bexi f. 2012 har 28% COI frå DNA-test i Embark , men står med innavlsgrad 0% i NKK Dogweb på 5 generasjonar.  I workingdog 0 % på 5 og 7 generasjonar og 0,36 på 11 generasjonar.

Bexi er bestemor til Citagardens Mira f. 2024 har òg  28% COI frå DNA-test i Embark, og står med innavlsgrad 0% i NKK Dogweb på 5 generasjonar.  I workingdog 0 % på 5 og 7 generasjonar og 0,67 på 11 generasjonar.

Eg har unngått linjeavl på dei generasjonane eg har hatt kontroll over, og passa på det ikkje har vore linjeavl på 7 generasjonar.  Difor har ikkje innavlsgraden auka på Mira. 

Lurer du på korleis DIN hund er?

Logg deg inn i NKK, sjå på din hund si stamtavle.  Der vil du finne innavlsgradsAUKEN -Innavlskoeffisient- kun på 5 gen. i prosent.    Det er dessverre mange som trur at linjeavlsauken er COI.  Hugs at når det står 2,75 eller 7,175 eller 12,5% så betyr det AUKE.  

Eg veit at mange ikkje vil teste avls-hundane sine, fordi dei er redde for at folk då ikkje vil ha avkom etter dei (mange har kosta på utdanning i tyskland).  Det som er veldig frustrerande er at folk som er imot å få kartlagt rasen, er så frampå og argumenterer så sterkt imot DNA-testing + linjeavlar framleis.

ALLE avlshundar bør DNA-testast.  (NB: Enkelte seier at hundane deira er DNA-testa i tyskland – det er kun for å sjekke identiteten til hunden, og noko heilt anna enn ein DNA i Embark).

I Embark får vi oversyn over innavlsgrad, og ein kan finne partner som passar genetisk.  

Vi får oversyn over raserelaterte sjukdomsgener, og kan la vere å parre bærar med bærar, som då kan få hundar med dobbelt gensett, som kan utvikle sjukdom. (+ gener for farge, maske, pelslengd …)

Kva kan du som ikkje er oppdrettar, gjere for å hjelpe??? 

Ta ein DNA-test på hunden din  og del resultatet ditt med andre. 

Rasen treng at «vanlege hunde-eigarar» kartlegg «vanlege hundar», når så mange oppdrettarar ikkje vil gjere det.  Då vil kunnskap vinne fram over tid. 

Når vi påpeikar at ting ikkje er i orden i raseklubben, får vi beskjed om at det er berre å engasjere seg og melde inn saker.  Ja, det er faktisk viktigaste årsak til at eg er med i raseklubben. Og vi engasjerer oss - les sakene (nede på sida) vi sende inn, og som vart avvist.

Det er ikkje ok at dei gjev blaffen i oss som framleis avlar med dette fokuset:  "Schäferhundavl er brukshundavl".

Som oppdrettar kjenner eg meg provosert over maktbruken i raseklubben.  Eg er medlem, men alle med brukslinjer blir ignorert.  Vi er kun alibi for NSchK at det er brukshund.  

Raseklubben NSchK hadde årsmøtet sitt 29.mars 2025, og saker som handlar om helse og mentalitet, blir kvalt.

Bakgrunn for raseklubbar var å ivareta utvikling og avl, ha oversyn over helse, mentalitet og linjer. No har det utvikla seg seg i heilt andre retningar, og ein stor del av avlen på schäfer som brukshund er utanfor raseklubben.

Avlen er splitta i utstilling og bruks, og dette har pågått lenge, og dessverre ser det ut som om makta i raseklubben har styrka retninga mot utstillingshunden Schäfer.

Raseklubbar har verken kunnskap eller kompetanse på genetikk, eller dei nye avlsverktøya. Ein del tillitsvalde har store eigeninteresser, og det er stor motstand mot DNA-testar som viser COI(innavlsgrad). Eg kan forstå det, fordi det er linjeavla «topphundar» som ligg mellom 40-50% i COI … best å halde det skjult … Som oppdrettar håpar eg at FCI/NKK overtek ansvaret for avl på Schäferhunden!

Som oppdrettar håpar eg på ei avlsgruppe i NKK (gjerne for fleire rasar), der folk er tilsette utifrå fagleg kompetanse.

Vi treng ei avlsgruppe som er oppdaterte på forskning, som har register over DNA-opplysningar som innavlsgrad (COI), helse og mentalitet på framtidige avlsdyr, i tillegg til HD/AD.

Vi treng ei uavhengig avlsgruppe som består av genetikarar, forskarar og veterinærar, som ikkje let seg påverke av eksteriør-dommarar/tillitsvalde. Det er fleire høgt profilerte personar som kan sette saman slike avlsgrupper.

Så kan raseklubben lage sine eigne reglar basert på meiningar og synsing, der dei oppdrettar og dømmer kvarandre sine hundar på wesentest og utstillingar etter tysk mønster.

Dette vart litt rotete, men eg blir så frustrert – eg har så mykje større forventningar til ein raseklubb som skal forvalte ein bruksrase.

Årsmøte i NSchK mars -25.

I år har vi vore fleire personar som har jobba fram saker, som vi meiner er viktige å få diskutert i NSchK.

For å ha større sjanse for å få saker til generalforsamlinga 29.mars 25 i NSchK, har samme saker blitt meldt inn av medlem i tre ulike avdelingar. 

I avd.Kongsberg var det fleirtal for dei to første sakene, som går vidare, og den siste saka går vidare òg, men styret skal formulerere saka før innsending.

I avd.Bergen vart alle sakene stemt ned.  Kun andre innmelde saker gikk vidare.

 I avd. Oslo var sakene meldt inn i god tid, men likevel ikkje sett opp på årsmøtet.

Saka om gentesting av avlhundar, er kanskje for "moderne"  ...? 

Innavlsgraden er det viktig å få fram på alle hundar.  Schäfer av utstillingslinjer nærmar seg 50%, og det tilsvarar genetisk slektskap foreldre-barn.  Skremmande!  Og kartlegging av gener vert nedstemt.

DNA kan vise sjukdomar/recessive gen (som oppdrettar ikkje vil vite om???).  Dette går ut over dei som kjøper seg ein kvalp.  Eg tykkjer det er merkeleg at medlem stemmer ned ei slik sak.

Dei to første sakene kan bety at vi som er brukslinjeoppdrettarar, kan vere medlem i raseklubben og påverke. Slik det er no, så er avlskrava i NSchK slik at vi er stengde ute, sjølv om alle våre eigne avlshundar fyller krava.